Pentaqon yaxınlığında iki avtobus toqquşub, azı 23 nəfər xəsarət alıb
ABŞ-nin Virciniya ştatının Arlinqton şəhərində, Pentaqon yaxınlığında iki avtobusun toqquşması nəticəsində azı 23 nəfər xəsarət alıb.Bu barədə “Fox News” məlumat verib.
Yaralananlardan azı 10-u ABŞ Müdafiə Nazirliyinin əməkdaşıdır.
Təcili yardım briqadaları 18 nəfəri xəstəxanaya çatdırıb, daha beş nəfərə isə hadisə yerində tibbi yardım göstərilib.
Pentaqonun hüquq-mühafizə orqanları qəza faktını təsdiqləyib. Hadisə ilə əlaqədar Pentaqon yaxınlığındakı nəqliyyat qovşağı və metro stansiyası müvəqqəti bağlanıb.
