Zelenski təhlükəsizlik və enerji danışıqları üçün Azərbaycana gəlib – Kyiv Post
Ukrayna Prezidenti Volodimir Zelenski təhlükəsizlik və enerji sahəsində əməkdaşlığı müzakirə etmək üçün Azərbaycana gəlib, Kyiv Post AFP-yə istinadən yazıb. Nəşrin məlumatına görə, AFP-yə danışan Ukrayna rəsmisi “Azərbaycana endiklərini” bildirib və səfərin “təhlükəsizlik və enerji əməkdaşlığı, koordinasiya” məqsədi daşıdığını deyib. Kyiv Post yazır ki, bu, Rusiyanın Ukraynaya genişmiqyaslı müdaxiləsindən sonra Ukrayna liderinin Cənubi Qafqaz ölkəsinə ilk səfəridir. Səfər Zelenskinin Səudiyyə Ərəbistanına səfərindən sonra baş tutur. Orada o, vəliəhd şahzadə Məhəmməd bin Salmanla görüşüb. Azərbaycan Prezidentinin mətbuat xidməti səfərlə bağlı hələlik rəsmi məlumat yaymayıb.
