"Real Madrid"in müdafiəçisindən AÇIQLAMA: "Çempion ola bilərik"
"Real Madrid"in və Almaniya millisinin mərkəz müdafiəçisi Antonio Rudiger qarşıdan gələn 2024-cü il Avropa Çempionatı ilə bağlı gözləntilərini bölüşüb.
Gundem.az-ın xəbərinə görə, o, yaxşı nəticə əldə etmək istədiyini açıqlayıb:
“Komanda olaraq yaxşı çıxış etməyi və əla nəticə əldə etməyi gözləyirəm. Bunu etsək, o zaman azarkeşlər də bizi dəstəkləyəcək. Ən sonuncu beynəlxalq matçlara baxın. Hiss olunur ki, biz indi Avropa çempionu ola bilərik".
Xatırladaq ki, Avro-2024-ün oyunları 2024-cü il iyunun 14-dən iyulun 14-dək Almaniyada keçiriləcək. Turnirin oyunlarına 10 şəhərin 10 stadionu ev sahibliyi edəcək.
Qeyd edək ki, Avropa Çempionatının hazırkı qalibi İtaliya komandasıdır. (Sfera.az)
Mənbə: gundem.az
