Ziba Mustafayeva: "SOCAR-da çalışan qadınların sayında xeyli artım var"
Azərbaycan Dövlət Neft Şirkəti (SOCAR) gender bərabərliyinə xüsusi diqqət ayırır.
BAKU.WS Report-a istinadən xəbər verir ki, bunu SOCAR-ın vitse-prezidenti Ziba Mustafayeva Bakı Enerji Forumunun II günündə çıxışı zamanı bildirib.
Onun sözlərinə görə, Azərbaycanda hər zaman sənaye sahəsində çalışan bəylərin sayı xanımlardan çox olub: “MDB ölkələrində də belə olub. 3 il əvvəllə müqayisədə bu gün artıq SOCAR-da çalışan qadınların sayında xeyli artım var”.
Z. Mustafayeva qeyd edib ki, son illər SOCAR-ın gənc nəsil üçün proqramları mövcuddur: “Ötən illər ərzində bu proqramlar həyata keçirilərək qadınların işə götürülmə imkanları artıb”.
SOCAR rəsmisi vurğualyıb ki, Bakı Ali Neft Məktəbindən də son illər xanım məzunların sayında böyük irəliləyişlər var.
BAKU.WSMənbə: baku.ws
