Sumqayıtda yük avtomobili piyadanı vuraraq öldürüb
Sumqayıtda piyadanın ölümü ilə nəticələnən yol-nəqliyyat hadisəsi baş verib.
Hadisə Bakı-Quba avtomobil yolunun şəhər ərazisindən keçən hissəsində qeydə alınıb.
İlkin məlumata görə, 1991-ci il təvəllüdlü Ceyhun Niftəliyevin idarə etdiyi “Mercedes Atego” markalı yük avtomobili 1973-cü il təvəllüdlü Qəhrəman Həmidovu vurub.
Müxtəlif dərəcəli bədən xəsarətləri alan piyada xəstəxanaya çatdırılıb. Lakin həkimlərin müdaxiləsinə baxmayaraq, onun həyatını xilas etmək mümkün olmayıb.
Mənbə: anews.az
