Masallıda körpə doğuş zamanı öldü - YENİLƏNİB

Masallı Rayon Mərkəzi Xəstəxanasında ölü dölün doğulması faktı ilə bağlı araşdırma aparılır.

Baş Prokurorluqdan bildirilib ki, iyulun 16-da Masallı rayon sakini 2007-ci il təvəllüdlü Səfurə Qubadovanın 40 həftəlik dölün baş gəlişi, doğuşun 1-ci dövrü, ölü döl diaqnozu ilə Masallı Rayon Mərkəzi Xəstəxanasına daxil olması faktı ilə bağlı Masallı rayon prokurorluğunda araşdırma aparılır.

***12.31

Masallıda körpə ölümü qeydə alınıb.

BAKU.WS APA-ya istinadən xəbər verir ki, Masallı rayonunun Böyük Təklə kənd sakini 2007 - ci il təvəllüdlü Səfurə Elvin qızı Qubadova doğuş üçün Masallı rayon mərkəzi xəstəxanasının ginekologiya və doğum şöbəsinə müraciət edib.

Ananın müayinəsi aparılıb və Lənkəran regional Perinatal mərkəzə göndərilib. Lənkəranda bildiriblər ki, doğuş təbii yolla olmalıdır və Lənkəranda qalmağı məsləhət görülüb. Özünü yaxşı hiss etdiyini deyən ana yenidən Masallıya qaytarılıb.

Bu səhər ağrıları olan S. Qubadova doğuşa götürülüb. Doğuş zamanı çəkisi 2,8 kq olan ölmüş qız uşağı dünyaya gəlib.Yaxınları bildirir ki, uşağın ölümünə səbəb həkim səhlənkarlığıdır.Hazırda faktla bağlı rayon prokurorluğunda araşdırmalara başlanılıb

Mənbə: baku.ws