Ölüm xəbəri yayılan ulduz futbolçunun qardaşı: "Sizin ailəniz yoxdur?"
"Futbolçu Dani Alveşin həbsxanada intihar etməsi ilə bağlı yayılan məlumatlar əsassızdır".
Gundem.az xəbər verir ki, bunu futbolçunun qardaşı Ney Alveş bildirib.
O, qardaşına və ailəsinə səbr diləyib:
"Allah sənə can sağlığı versin, qardaşım. Ümid edirəm, bəşəriyyətin zülmünə qalib gəlib dözə biləcəksən. Allah sənin və ailəmizin həyatına mərhəmət etsin".
Futbolçunun qardaşı əsassız məlumatları yayanlara səslənib:
"O, artıq həbsdədir, mühakimə olunub. Bu, sizin üçün kifayət deyilmi? İndi də onun ölməsini istəyirlər. Necə də qəddar insanlar var! Atamın yaşı 70-i, anamın isə 60-ı ötüb. Sizin ailəniz yoxdur?"
Xatırladaq ki, Barselona şəhərində 23 yaşlı qadına qarşı cinsi zorakılıqda ittiham olunan Daniel Alveş 4,5 illik həbsə və 150 min avro təzminat ödəməyə məhkum edilib. (Sfera.az)
Mənbə: gundem.az
