İki ölkə arasında gizli tunel qazan şəxs saxlanıldı
Qırğızıstanın Bek-Abad kənd sakininin evində Özbəkistanla sərhədə aparan tunel aşkarlanıb. Gundem.az xəbər verir ki, bu barədə Qırğızıstan Gömrük Komitəsi məlumat yayıb. Məlumata görə, 130 metrlik yeraltı dəhliz qaçaqmalçılıq yolu ilə malların daşınması və sərhədi qanunsuz keçmək üçün qazılıb. Tunelin dərinliyi 15 metr, hündürlüyü 1,7 metr olub.
Evin sahibi qanunsuz fəaliyyətin təşkilatçısı kimi saxlanılıb.
