ABŞ Moskvada terror olacağını haradan bilirdi?
Xəbər verdiyimiz kimi, bu gün axşam saatlarında Moskvanın mərkəzindəki "Krokus Siti Holl" kompleksində terror hadisəsi baş verib. Son məlumata görə, 40 nəfər ölüb, 100-dən çox şəxs yaralanıb.
Gundem.az xəbər verir ki, ABŞ-ın Moskvadakı səfirliyi bu terror əməliyyatı barədə hələ martın 9-da xəbərdarlıq etmişdi.
Bu barədə martın 9-da ABŞ-ın Moskvadakı səfirliyi diplomatik missiyanın rəsmi saytında məlumat yerləşdirmişdi.
“KİV-in məlumatına görə, iri şəhərlərdə, o cümlədən Moskva və Sankt-Peterburqda, Rusiyanın Ukrayna ilə sərhədi boyunca yerləşən ərazilərində ticarət mərkəzləri, dəmir yolu və metro stansiyaları, insanların sıx toplaşdığı digər yerlərə hücum təhlükəsi var”, - məlumatda deyilirdi.
