Missiyasını başa vuran azərbaycanəsilli astronavt Türkiyəyə qayıdıb - FOTO
Azərbaycanəsilli türkiyəli astronavt Tuva Cihangir Atasever Türkiyənin Kosmos Elmi Missiyası çərçivəsində baş tutan uçuşundan sonra ölkəsinə qayıdıb.
BAKU.WS xəbər verir ki, Türkiyənin Sənaye və Texnologiya Nazirliyində nazir Mehmet Fatih Kacır və astronavt Alper Gezeravcının iştirakı ilə keçirilən mətbuat konfransında danışan Atasever, üzərinə götürdüyü vəzifədən xoşbəxt olduğunu dilə gətirib.
O, bildirib ki, uşaq ikən heç vaxt astronavt olmağı xəyal etməyibmiş:
"2017-ci ildə Kosmik Sistemlər Müdirliyində inkişaf etdirdiyimiz milli uçuş aparatının avionik sistemlərindən məsul sistem mühəndisi olaraq işə başladım. Mən ilk işə başlayanda Türkiyə kosmosa zond raketi göndərmək üçün çalışırdı.
Sinopdan atılan sistemin gövdəsinə toxunduğum an o vaxta qədər yaşadığım ən maraqlı anlardan biri oldu. Daha sonra Türkiyənin milli raket daşıyıcısı yolunda hazırladığı digər sistemlər üzərində işləmək şansım oldu.
Atasevər Türkiyə Kosmik Agentliyinin yaradılmasından və Milli Kosmos Proqramının açıqlanmasından sonra onu ən çox həyəcanlandıran məqamın Türkiyə vətəndaşının Beynəlxalq Kosmik Stansiyaya (BKS) göndəriləcəyini eşitdiyi an olduğunu bildirib:
“Həmin andan etibarən müraciətlərin başlayacağı anı həyəcanla gözləməyə başladım. Heç bir şübhə etmədən müraciət etdiyim və sıx bir seçim prosesindən sonra Türkiyənin iki astronavtından biri seçilmək şansım oldu”.
Təhsil dövrünün "ən xoşbəxt dövrü" olduğunu deyən Atasever, astronavt Alper Gezeravcının İSS ilə bağlı uğurlu elmi araşdırmalarını izləmək və bu müddət ərzində yer üzündəki elm mərkəzlərini ziyarət etmək, gənclərlə tanış olmaq şansı qazandığını bildirib.
Atasever qeyd edib ki, kimsə bu təcrübəni gənclərə onların dilində izah etməsi, onların təsəvvürlərində daha əvvəl yaşamadıqları pəncərə və qapıları açır.
BAKU.WS
Mənbə: baku.ws
