Baydeninin oğlu 25 ilədək həbs və 750 min dollar cərimə oluna bilər
ABŞ prezidenti Co Baydenin oğlu Hanter Baydenin silah alışı və saxlanması ilə əlaqədar bütün ittihamlar üzrə günahkar olduğu təsbit edilib.
Ona 25 ilədək həbs cəzası və 750 min dollar cərimə təyin oluna bilər.
Buna baxmayaraq, ekspertlər cəzanın yüngül olacağını düşünürlər. Prezident Bayden qanunlara hörmət etdiyini və oğlunu əfv etməyəcəyini bəyan edib.
Hanter Baydenə qarşı ikinci iş üzrə baxış sentyabr ayında keçiriləcək.
Federal münsiflər heyəti Hanter Baydeni 2018-ci ildə Delaver ştatındakı bir silah mağazasından "Colt Cobra 38SPL" tapançasını alarkən öz narkotik istifadəsi haqqında federal yoxlama formalarında yalan məlumat verdiyi üçün günahkar hesab edib. İlk iki ittiham onun federal formalar üzərində narkotik istifadəsi haqqında yalan danışması ilə bağlı olub. Üçüncü ittiham isə qanunsuz maddələr istifadə edərkən silah sahibi olması ilə əlaqədardır.
CNN qeyd edir ki, bu hökm hazırkı prezidentin ailə üzvünün vəzifədə olduğu müddətdə cinayət törətməkdə günahkar hesab edildiyi ilk haldır.
Hələlik yekun qərarın çıxarılma tarixi təyin edilməyib, lakin bunun 120 gün ərzində verilməsi gözlənilir. Çox güman ki, 2024-cü ilin noyabrında keçiriləcək prezident seçkilərindən bir ay əvvəl hökm elan ediləcək.
BAKU.WSMənbə: baku.ws
