Sabunçuda qəsdən adam öldürmə faktı ilə bağlı cinayət işi başlanıb
Yanvarın 24-də Bakı şəhərinin Sabunçu rayonu ərazisində 1959-cu il təvəllüdlü Həyat Ağayevanın öldürülməsi barədə rayon prokurorluğuna məlumat daxil olub.
Aparılan ilkin araşdırmalar zamanı 1981-ci il təvəllüdlü Emil Ağayevin bıçaqla xəsarətlər yetirərək H.Ağayevanı qəsdən öldürməsinə əsaslı şübhələr müəyyən edilib.
Faktla bağlı Sabunçu rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Emil Ağayev iş üzrə şübhəli şəxs qismində saxlanılıb.
İstintaq tədbirləri davam etdirilir.
Aytac
Mənbə: anews.az
