Ermənistan Müdafiə Nazirliyi dörd hərbçisinin öldüyünü bildirib - YENİLƏNİB
Ermənistan Müdafiə Nazirliyi ölən hərbçilərinin 4 nəfər olduğunu bildirib.
BAKU.WS Ermənistan mətbuatına istinadən xəbər verir ki, daha bir hərbçi yaralanıb.
***09:31
Ermənistan Müdafiə Nazirliyi fevralın 13-də səhər saatlarında iki hərbçisinin öldüyünü açıqlayıb.
Hadisə Nerkin-And istiqamətində baş verib. Eyni zamanda yaralananların da olduğu deylir.
Qeyd edək ki, fevralın 12-də Azərbaycan-Ermənistan şərti dövlət sərhədinin Zəngilan rayonu ərazisindən keçən hissəsində Dövlət Sərhəd Xidmətinin Sərhəd Qoşunlarının Zəngilan rayonunun Kolluqışlaq kəndi ərazisində yerləşən mövqeyinə Ermənistan Silahlı Qüvvələrinin Qafan rayonunun Nerkin-And yaşayış məntəqəsi istiqamətində yerləşən mövqeyindən açılan atəş nəticəsində azərbaycanlı hərbi qulluqçu yaralanıb.
BAKU.WS
