Pərviz Şahbazov Yevgeni Jukov ilə GÖRÜŞDÜ - FOTO
Azərbaycan Asiya İnkisaf Bankı (ADB) ilə ”yaşıl enerji” gündəliyinin prioritet istiqamətlərini müzakirə edib.
Gundem.az xəbər verir ki, bunu energetika naziri Pərviz Şahbazov “X” sosial şəbəkəsindəki hesabında bildirib.
Nazir Bakıda səfərdə olan ADB-nin Mərkəzi və Qərbi Asiya Regional Departamentinin baş direktoru Yevgeni Jukov ilə görüşüb. O qeyd edib ki, enerji sahəsində tərəfdaşlıq əlaqələrini genişləndirən potensial əməkdaşlıq perspektivlərini müzakirə edib.
“COP29 çərçivəsində fəaliyyətə, ADB-nin karbon bazarının inkişafına və iqlim dəyişikliyinə uyğunlaşma prosesinə, eləcə də islahatlara və layihələrə dəstək təkliflərini nəzərdən keçirdik”, - P. Şahbazov qeyd edib.
Mənbə: gundem.az
