Bakı–Tbilisi qatarı Gürcüstandakı elektrik problemi səbəbindən gecikib
Gürcüstanın Qardabani–Tbilisi dəmir yolu sahəsində elektrik enerjisi təchizatında yaranan problem səbəbindən Bakı–Tbilisi sərnişin qatarı gecikib. Bu barədə "Azərbaycan Dəmir Yolları" (ADY) məlumat yayıb.
ADY-nin bildirdiyinə görə, nasazlığın aradan qaldırılması uzandığından gözləmək istəməyən sərnişinlərin Qardabani stansiyasında qatardan enməsinə şərait yaradılıb.
Məlumata əsasən, qatar Tbilisiyə 2 saat 30 dəqiqə gecikmə ilə çatıb.
Mənbə: anews.az
