Şəkidə "Mercedes" iki piyadanı vurdu: bir nəfər öldü
Şəkidə ölümlə nəticələnən yol-nəqliyyat hadisəsi baş verib.
Hadisə iyulun 25-də saat 22:00 radələrində rayonun Baş Göynük kəndi ərazisində qeydə alınıb. Fərhad Qürbəltinin idarə etdiyi "Mercedes" markalı avtomobil piyadalar - 2002-ci il təvəllüdlü Mahir Teyibov və 1998-ci il təvəllüdlü Şahin Tahirovu vurub.
Nəticədə Mahir Teyibov hadisə yerində ölüb, Şahin Tahirov isə müxtəlif bədən xəsarətləri ilə xəstəxanaya yerləşdirilib.
Faktla bağlı cinayət işi başlanılıb, araşdırma aparılır.
Mənbə: anews.az
