"Fənərbaxça" "Bavariya"nın keçmiş oyunçusunu alır
Türkiyənin “Fənərbaxça” klubu diqqətini Fransanın “Lion” klubunun yarımmüdafiəçisi Korentin Tolissoya yönəldib.
Gundem.az xarici mediaya istinadla bildirir ki, Türkiyə klubu 29 yaşlı Tolisso üçün 5 milyon avro ödəməyə hazırdır.
Bu mövsüm Tolisso Fransa çempionatında 12 oyun keçirib və 1 qol vurub. Korentin “Lion” akademiyasının yetirməsidir və 2013-cü ildən komandada çıxış edir. 2017-ci ildə yarımmüdafiəçi “Bavariya”ya keçsə də, bir neçə ildən sonra yenidən “Lion”a qayıdıb.
29 yaşlı futbolçunun klubla hazırkı müqaviləsi 2027-ci ilin iyununa qədərdir. Transfermarkt internet portalı Tolissonun bazar dəyərini 5 milyon avro qiymətləndirir.
Mənbə: gundem.az
