Azərbaycanın aldığı 10 FLIRT tipli sərnişin qatarı ölkəmizə nə vaxt çatdırılacaq? - ÖZƏL
Növbəti ildə “Azərbaycan Dəmir Yolları” QSC-nə (ADY) xaricdən 10 yeni sərnişin qatarının çatdırılması planlaşdırılır.
Bu barədə ADY-nin İctimaiyyətlə Əlaqələr şöbəsinin müdiri Sənubər Nəzərova BAKU.WS-in sorğusuna cavab olaraq bildirib.
"Hərəkət tərkibimizin sayının artırılması üçün 2023-2024-cü illərdə 10 ədəd yeni FLIRT tipli sərnişin qatarlarının Bakıya çatdırılması planlaşdırılır. Yeni qatarlar Abşeron dairəvi dəmir yolu və regionlar üzrə sərnişin daşımalarının daha intensiv və keyfiyyətli təşkil olunmasına, daha çox sərnişin tələbatının qarşılanmasına və sərnişin məmnuniyyətinin təmin olunmasına önəmli töhfə verəcək".
Qeyd olunub ki, yeni dayanacaqların verilməsi sərnişin tələbatı nəzərə alınaraq həyata keçiriləcək.
Banu Hüseynli BAKU.WSMənbə: baku.ws
