Yaz yorğunluğu ilə mübarizə aparmağın 6 yolu
Yaz aylarında tez-tez yorğunluq, halsızlıq, istəksizlik və baş ağrılarından şikayətlənirik. Əgər başqa əsas xəstəliklər yoxdursa, bahar yorğunluğu qapınızı döyə bilər. Bu bezdirici vəziyyətdən xilas olmaq üçün bəzi sadə davranış dəyişiklikləri etmək lazım ola bilər.
BAKU.WS bu barədə xarici araşdırmalara istinadən xəbər verir.
Bədənimizin yazla birlikdə dəyişməyə başlayan gündüz və gecə dövrləri və iqlim şərtləri ilə yeni şərtlərə uyğunlaşmağa çalışdığını izah edən Meriç Zeydan "yaz yorğunluğu" olaraq təyin olunan bu dövrdə baş verə biləcək fiziki və psixoloji dəyişikliklərin öhdəsindən gəlmək üçün nələr edilə biləcəyini aşıqlayıb.
Yuxusuzluq və nizamsız yuxu sizi yorğun hiss etdirsə də, nizamlı yuxu saatları gün ərzində daha canlı hiss etməyinizə kömək edəcək. Odur ki, yatmaq vaxtlarınızı nizamlayaraq gecə 6-8 saat yatmağa çalışın. Təkcə bədənimizin deyil, zehnimizin də dincəldiyi ən əhəmiyyətli dövr olan yuxu, ümumi sağlamlığımız üçün əhəmiyyətli bir ehtiyac olaraq bilinir. Günə başlayarkən, yumurta, zeytun, ağ pendir, pomidor, bol göyərti və xiyar kimi qidalardan ibarət səhər yeməyinizi laqeyd yanaşmayın. C vitaminini təbii yolla almağa diqqət edin. Bundan əlavə, gün ərzində susuzluğu gözləmədən ən azı 2,5-3 litr su için və kofein istehlakınızı məhdudlaşdırın. Yoqa və pilates, qış aylarında qismən hərəkətsiz qalan bədəninizə elastiklik vermək üçün ideal seçimlər arasındadır. Bu məqsədlə xüsusilə səhər günəşindən faydalanaraq rahatlama hərəkətləri bədəninizin günə uyğun başlamasına kömək etməklə yanaşı, qışda qəbul edə bilmədiyiniz D vitaminini də almanıza kömək edəcək. İdman etməyin ən xoş yollarından biri bağçılıq və təmir kimi açıq işlərlə məşğul olmaqdır. Bəzi araşdırmalar göstərir ki, bağda orta hesabla bir saat işləmək 5-6 kilometr piyada getməyə bərabərdir. Açıq havada görülən bu növ iş bədənə elastiklik və müqavimət verməklə yanaşı, gərginlik və narahatlığı azaltmaqla fərdə psixoloji cəhətdən də fayda verir. Öz başınıza edə biləcəyiniz ən faydalı fəaliyyətlərdən biri gəzinti etməkdir. Bu səbəbdən bədəninizin itirdiyi tempi bərpa etmək üçün qış aylarında soyuq və yağışlı hava səbəbiylə ara verilmiş gəzintilərə yenidən başlamağın zamanı gəldiyini söyləyə bilərik. Həftədə ən az 5 gün orta və ya sürətli templə təxminən 45 dəqiqə gəzmək ürək-damar sağlamlığınızı qoruyacaq, qan şəkərinizi tarazlaşdıracaq və yaya uyğun gəlməyinizə kömək edəcək. Bununla belə, sürətli gəzintiyə başlamazdan əvvəl hər hansı zədə probleminin qarşısını almaq üçün mütləq 5 dəqiqəlik isinmə və yüngül dartma məşqləri edin. Bahar yorğunluğu gərgin iş tempi ilə birləşdikdə dözülməz olur. Bu vəziyyətdən çıxmağın yollarından biri də qısamüddətli tətilə və ya düşərgəyə getməkdir. Bunun üçün həftə sonu üçün ailəniz və ya dostlarınızla 2 günlük tətil planlaşdırın, lakin bu bayrama iş gətirməyin. Bu dövrdə sadəcə tənbəllik edib yatmaq əvəzinə, gəzinti və ya velosiped icarəsi ilə getdiyiniz yeri görmək üçün hər şeyi araşdırmağa çalışın. Beləliklə, özünüzü daha canlı hiss edəcək və ürək-damar sağlamlığınıza fayda verəcəksiniz. BAKU.WSMənbə: baku.ws
